فــــــي ذمـــتـــي لـــجــعـــلك عبــــــرة للأحبـاب"

سو اللي برأسك ولا تذكر أسبـاب
................لا صرت بايعني توكـل علـى الله


مابيني وبينك مشاريـه وعتـاب
................شف دربك اللي جيت منـه تدلـه


ماراح تغلبني لـو الحـب غـلاب
................من حضرتك عشان قلبـي تذلـه


في ذمتي لجعلك عبـرة للأحبـاب
................لين الخل يتوب عن جـرح خلـه


زلاتك اللي ما نفع فيهن حسـاب
................لا جيت أعددهـن ثمانيـن زلـه


أحرجتني بين القرايب والأحبـاب
................كن الجفا سيـف بوجهـي تسلـه


ماكنت أقصر فيك من كثر الإعجاب
................يومك تساوي عندي الكـون كلـه


كنت القريب وكلهم كانوا أغـراب
................حتى القمر لا غاب شفتـك محلـه


خلاص لا ترجع ترى خاطري طاب
................بيطري اللي كنت عايـش بظلـه


رح إعتبرني واحد أذنـب وتـاب
................ماني بثـوب تلبسـه ثـم تملّـه